Klassisk påske i Skudeneshavn 2026
For 5. året ble Klassisk påske arrangert i ulike lokaler, for ulike aldersgrupper, med erfarne og unge musikarar og ulike uttrykksformer i helga.
Festivalen blei opna og avslutta i Falnes kyrkje.
Under opningskonserten fredag deltok tenoren Ole Morten Velde og kona, sopran Siri Kval Ødegård, musikarar frå Boyes musikkompani, Munor og Haugaland ungdomssymfoniorkester.
Eit høgdepunkt under denne konserten var då alle festivalmusikarane under dirigenten Sebastian Dankel framførte «Svensk rapsodi» av Hugo Alfvén!
Laurdagen var det arrangement både på «Verkstedet» og «Det klassiske hjørnet», der Boyes musikkompani presenterte operaen om måken Manfred for å skapa interesse for klassisk musikk hos barn.
Erling Dahl jr. inviterte til intimkonsert i «Det klassiske hjørnet» i Søragadå med musikarar frå Munor (tidlegare Fylkesmusikarane).
Mange verk frå ulike tidsepokar og komponistar blei framførte under festivalen, og presenterte for publikum med humor og låg sigarføring av Kjell Magnus Sandve, som også avslutta festivalen med songen «Deep river» som postludium etter musikkgudstenesta søndagen.
Han fekk god musikalsk støtte av Ingerine Dahl, fiolin, Igor Eliseev, kontrabass og organist Lars Inge Tjøstheim.
Komiteen for festivalen har bestått av Kjell Magnus Sandve, Lars Inge Tjøstheim, Solveig Hamre Johannesen, Ragnhild Midbøe, Ståle Vikra, Grethe Lunde Øvrebø og Erling Dahl jr. Kunstnarleg konsulent Ingerine Dahl.
Takk for godt gjennomført klassisk musikkhelg i Skudeneshavn!
Lokal annonse :
